صحيفة شعراء العرب الالكترونية

علموه للشاعره:سحابه

  • 0

غايبه في صمت قرّرت انعزالي
راضيه باللي كُتب باعلا جبيني

لو تحرّك ساكن إحساس الليالي
مانطقت اللي تقول الحكْي عيني

كل مارفّ الهدب ،، يرثي لحالي
وآتسائل ويش بقى لي في يديني

كل ما تظلم سماي يضيق بالي
ويحترق شمع الوله يبكي حنيني

في زوايا غرفتي ،، شفتك قبالي
وعادت الاْحلام ما بينك وبيني

ذاب عطر الشوق فوق اطراف شالي
و انتحب عقدي ،، على زفرة انيني

قمت ازف الحرف في ذكرى وصالي
واعزف الموال مسحوب و هجيني

داخلي رغبه عقُب ودعت غالي
ليت تالي الوقت لو صدفه يجيني

احتفلت بجيته في قصر عالي
وانهت احداث الزعل فرحة سنيني

علّموه يجنّب احساس التعالي
والله إن يبطي جنابه ما نسيني

الشاعره سحابه

أترك تعليق



التعليقات مغلقة.