صحيفة شعراء العرب الالكترونية

صويب الغلا.. للشاعر محسن الهفتاء

  • 0

ترتيبة افكار راسي من بعيد وقريب
مرات مدري ليا قامت شـ سوي بها
عطني من الدله الصفرا وخل الحليب
ماهي بلحية حليب النوق ترتيبها
فالليله اللي هجوسي حولت بالقليب
تبا تمد القريحه في … مشاريبها
ياحبني في بيوت الشوق لك يالحبيب
ياشيب عيني ليا غنيت يا شيبها
ارمي وصوفك ومنها مايصيب ويخيب
واحتاج فيك الهجوس العوب تهذيبها
انا صويب الغلا وانته علاج الصويب
واصل معي والقطيعه سيبها سيبها
ما هبت وصلك ويوماً مايجيبك يهيب
حتى طيوفك .. على بالي تراحيبها
هواك صلب على غيرك وسوا صليب
والنفس هذي و ما تهوا مطاليبها
ريّح ضميرك وفالك بالقصايد مصيب
لا كن هذي قصيده غير اساليبها
موال راسي على طرق المواقف عجيب
إليا تعجب ورا حاجه … يغني بها
وقت ٍ نعيشه من احداثه علينا رهيب
ناس ومواجيبها .. ناس ومواجيبها
الطيّب اللي يشوف الطيب ماهو صعيب
و الوقفه الطيّبه لا قام … يحريبها
إلي حضر بالمجالس فيه ثقل و لبيب
دايم يودي علوم الطيب و يجيبها
ويقول من ماضي الايام ما هو قريب
بين النشاما مزارق طيب من طيبها
اقرب وجيه الشبه فالقلب له قلب ذيب
إلي هرج ذيبها … وإلي فعل ذيبها

محسن الهفتاء

أترك تعليق



التعليقات مغلقة.