صحيفة شعراء العرب الالكترونية

تهيض المشاعر.. للشاعر فهد الهباش

  • 0

تْهِيض المشاعِر عِـقْـد لُول وذَهب وألمـاس
ولَا اصدَق من الشاعر لِيَا داعَـب احساسه ..

يـقـولون : شاعـر مـتـرَف وراقِـي وحسّـاس
وهُم مـا دروا عـن ضيـقـةٍ تـكـتـم أنـفَـاسـه

مـفاهـيم نـاس و تختلف بـيـن ناس و ناس
وللهمّ / نـاسه .. مِثْل .. ما لِلوَنَـس / نـاسه

فلا بـاس ياقلبي ما دامك لـهـم / نبراس
ويفداك كـل الـهـمّ مِـن راسـه لـ سـااسـه !

سلامك على اليمنى الكريمه وطيب الراس
عـلى العـز يا راس ن ينـومسـك نومـاسـه

تنقّ الخوي ، واحـرص على طيّبين الساس
ترى كـل واحـد قِـيـل يـرجـع عـلى سـاسه

لا تحرَص على اللي حلو منطق وزين اِلباس
ونـيـس ٍ.. يـغـرّر صـاحـبَـه فـِي تـونّـاسـه

يـا خوفِي لَا جِيته لاحَقِك مِن زمـانِـك بـاس
لِيَا شاف وجهـك تضرب اخماسه اسدَاسه

اشْـفـاه الـزّمن مِن نُدْرَة اهَل الوفى يـبّـاس
ودمـعـة عـيـونـه تحبِس انـفـاسـه احْـبَـاسه

يـلُـومَـه : كـريـمٍ مـدّتـه مـا لَــهــا مـقـيــاس
لِـيَـا نَـصْـيَـه المـحـتـاج يـجْـلَـى له اعْـماسه

على لوم قلب ن فِي نـوايا البشر ( محتاس )
ولـه في الزمن نـظـرة ، و تـدريـب ، و دْرَاسه

فلا لـه بـ مجلس من يـردّ الحـكـي مجلاس
يـا جِعله فِـدا مَـن يـقـدَح العـلـم مِن راسـه

سرا الليل والشاعر ما يسـلا من الهوجاس
خويّ السهـر..! من طول ليله و هوجاسه

وعما عين من خاوى السهر شوفة النّعـاس
يسـرّيـه ..! في ليـل ن تـهـاويـلـه انْعَـاسَـه

هذَا الضيق واسبابه وذَا الحبر والقرطاس !
وذا إحسـاس قلب ٍ خايـف ن من توجّاسه

فهد الهبّاش

أترك تعليق



التعليقات مغلقة.