صحيفة شعراء العرب الالكترونية

حبايب مايشعرون

  • 0

‏وش فـايـده مــن حـبـايب دام مـايـشعرون

‏ونـطـلب الـحـب مـن عـالم ومـوتى الـشعور

‏مبحوح صوتي اناديهم .. ولا يسمعون…

‏مـاكـان ظـنـي فــي الاحـباب مـمكن يـبور

‏يـا احـباب ويـن الـوفا والحب وش تملكون

‏قـلـوبكم دالـهـه واحـسـاسكم فــي الـقـبور

‏بـالـحب وش تـفـهمون انـتـم ووش تـعرفون

‏اي والله انـي عـلى الـخيبات مـنكم صبور

‏يـاكـبـرها شـرهـتـي فـيـكـم وكـثـر الـغـبون

‏يـوم احـتياجي لـكم غبتم وغاب الحضور.

‏اذا بـكـينا مــن اوجــاع الـزمـن تـشـمتون

‏واذا ضـحـكـنا تـديـرون الـكـتف والـظـهور

‏انـتم مـع اهـل السمر والسامري تسمرون

‏وحـنـا عـلـى الـنـار نـتـقلب سـنين وشـهور

‏عـلـى الـجروح الـعظيمه لـلأسف تـرقصون

‏وحـضوركم للمصالح واقتناص السرور ..

‏فـي مـوقف الضيق نسمعكم بنا تسخرون

وانـا حـسبت .. انـكم لـجلي بنيتو جسور

‏مــدرى مـتـى يــا مـزامير الـهوى تـنتخون

‏وش ذا الـمـحبه وعـشـره كــل ابـوهـا ثـبـور

‏يـاخـيـبت الـضـن راعـيـها يـصـيبه جـنـون

‏وجــودكــم هــامـشـي مــالــه فــوايـد ودور

‏مـانـيـب صــالـح لــكـم ولا لـنـا تـصـلحون

‏كـثـيـره امـراضـكـم مـنـها الـريـا والـغـرور

‏بـسـيـرة الــحـب لا اسـمـعكم ولا تـكـذبون

‏مـايـعرف الـحـب مـن طـبعه كـذوب وهـذور

‏يـــا فـاقـدين الـوفـا بـالـعشق مـاتـصدقون

‏مــضـرب مــثـل لـلـخيانة والـجـفا والـنـكور

‏مـن ويـن لـي خـل مـابه شـك والا ظـنون.

‏فــارس وشـاعـر وطـبـعه نـمر مـثل الـنمور

‏لـطـيف طـيـب وفـي مـخلص عـلينا حـنون

‏صـافي الـنوايا نـظيف الـقلب مابه قصور

‏يــا صـاحـبي مـاتـحاسبنا وبـاقـي ديــون

‏مـسـجـلـه فـــي دفــاتـر بـالـقـلم والـحـبـور

‏الـعـشق مـاهو بـعيب ان كـان مـاتعشقون

الـعشق مـن قـبل قـيس ومـهلك الـدينصور

‏الــنـاس بـاقـلامهم عــن عـشـقهم يـكـتبون

‏ويـنـقشون الـمـعاني مـثـل نـقش الـصخور

‏يـتـرجـم الـدمـعه الـلـي بـيـن رمــشٍ ونــون

‏الــحـب فــيـه الــعـذاب وفـيـه جـنـه وحــور

‏جــروحـنـا غــايــره واحــبــاب مـتـفـرعـنون

‏جــــزاة حــبــي لــكـم ردة ظـلـيـمه وجـــور

‏اسري مع هاجسي واسكن بلحظة سكون

‏واكـذب الـفكره. الـلي فـي هـجوسي تدور

‏بالله لــيـش الـبـشـر بـاشـكـالكم يـخـدعون

‏يــــا مـدعـيـن الـمـحـبه واقـــع الــحـال زور

‏لاعـاش مـن يـرخص احـبابه وعـنده تـهون

‏مــن فـيـكم الـلي عـلى نـظرة حـبيبه غـيور

‏يـاويـن مــن يـحـترم عـهده ووعـده يـصون

‏مـن يـزرع الـشوك مايجني ويهدي الزهور

‏لا طــالـت اعـمـاركـم ولا عـسـى تـسـلمون

‏قـلـوبـكم مــرتـع الاحــقـاد وكـــر الــشـرور

‏وجـيـهـكم كـالـحـه مـــن جــد مـاتـستحون

‏يـاهـيـه قـلـبـي لـكـم مـاهـو مـحـطة عـبـور

‏انــا شـربـت الـمـعين الـعـذب نـهـل الـعيون

‏واسـقـيكم الـمالح الـلي مـن غـزير الـبحور

‏#فـــــــــــجــــــــــر. الـــــــحـــــــنـــــــووب

أترك تعليق



التعليقات مغلقة.