صحيفة شعراء العرب الالكترونية

العمر عمري لـ الشاعر أوراق شاعر

  • 0

مــانيّـبـ متحسّف ولانيّـبـ مرّتـاب

العمرعمري كيـف مـا أبغى أعيشه

واللي حكى بـقفــــاي والله كذّاب

حاسد وحديته على أقصاه طيشه

صحيح أنــا بـكتـابة الشعر لعّــاب

أشــد من هو بـالهوى طــار ريـشه

إذاكتبت الحرف والقــــاف جذّاب

أدني الغصون القـاسيـه والهشيـشه

صافي النوايا مافي الخاطر أسباب

تدعوني أمشي بـالخطأ والغشيـشه

أفتح لمن يقفي مصــاريـع الأبـواب

وأقفـل لمن يـــأتي عليــه الدريــشه

القلــب قلبي تــاب أو مـا بعد تــاب

بنى قصـورالحب بــأعلى عريــشه

والنبض نبضي ذاب أو مـا بعد ذاب

تل العروق إلـيـن.. صـارت خريـشه

والجرح جرحي طاب أومابعد طاب

نقش على صـدري حبيــبي نقيــشه

دايم على بالي،عن الفكر مـا غـاب

أســمـع مع دقـــات قـلـبـي دقيــشه

الناس حولي بين عدوان واصحاب

وشــلي افتش في خفاهم و اقيشه

من حبّني يزيد في جمع الاحباب 

ومن كرهني يــخفض الله وشيشه

أترك تعليق



التعليقات مغلقة.