صحيفة شعراء العرب الالكترونية

هبّ البراد للشاعر : عبدالله العتيبي

  • 0

هب البراد وجاد للنفس تغيير
والجو غيم وصاحب الغيم ديمه

وانا هواي البر وملاعب الطير
في روضٍ يسر الخواطر نسيمه

هواي والله خوتي للـ مناعير
اهل النوايا الصافيات السليمه

اللي بـ خوتهم تزين المشاوير
واللي لهم في قمة المجد قيمه

ياما حلا مكشاتنا تالي عصير
في عبلةٍ فيها الخزاما مقيمه

فيه النفل والبختري والنواوير
ريحه علاجٍ للنفوس السقيمه

هذا تزهل بالدلال المباهير
والاخر يجهز لطبخ الوليمه

البر غير وسجتي داخله غير
يابري حالي ياسحابه وغيمه

على النقا خوة رجالٍ مشاهير
فالجود والفزعه نفوسٍ كريمه

الفجر قامو وارسمو خطة السير
يوم انتهو قامو بقطع الخريمه

ثم وقفوا في فيضةٍ كلها خير
وكلٍ بنا له داخل الروض خيمه

هذا هو اللي له بالاعماق تاثير
من واقع النظره ونفسٍ حكيمه

أترك تعليق



التعليقات مغلقة.