صحيفة شعراء العرب الالكترونية

نومسي يانفس لـ الشاعره / فجر الجنوب

  • 0

نومسي  يانفس  وارمي  عبايات  الهموم

وانثري  حزنك  تذريه  صلفات  الهبوب.

صنت قدري عن هوا النفس والناس الرخوم

وجيت  كلي  فخر  واقول  أنافجر  الجنوب

عزوتي  زهران  وأهلي  صناديد وقروم

واصغر  اخواني  بفعله  عن  العالم  ينوب

وادم  راسه  حي مايلحقه  ذمن  ولوم

الوفي  ماحد يقارنه  بالرخم  الكذوب

ماتجاوزت العوايد ونهجي ع السلوم

اعرف ان الطيش ما من وراه الا ذنوب

صاحبي ان دام لي يوم بكره مايدوم

احمدالله  دام  قلبي  تدفيه الجنوب

هامتي فوق الثريا ولي مجد وعزوم

الكرم مبداي والطيب تحمله القلوب

ياعسى مافقد من الناس وافين العلوم

وياعسى شمس المودة شروق بلاغروب

نيتي  اصفى من المزن وبياض الغيوم

ورايتي بالفخر  تزهى  ولافيها عيوب

في خفوقي من عنا الوقت سيفين وسهوم

وفي عيوني دمعة الشوق والفرقا تجوب

الضحيه  دمعت  العين  ندفعها رسوم

لوتحجر بين الاهداب مصرع ماتذوب

والهواوي  لوزعل  يوم  لابده  يروم

من عرف درب الهوى حالف انه مايتوب

أترك تعليق



التعليقات مغلقة.