صحيفة شعراء العرب الالكترونية

المناعير

  • 0

سلام ياوجيه الرجال المناعير
اللي لهم فزه وهامه وقامه

يامرحبا عداد ماغرد الطير
واعداد ماهلت مزون الغمامه

باللي حضرنا من خيار المسايير
من جار واقراب وخوال وعمامه

على السعة والرحب زدنا مناوير
وزان الفرح واشتد عالي سنامه

يقولها مسفر عريب التباشير
ابن مطر راعي سلوم وزعامه

مشهور في ربعه برأي التدابير
واحكام راسٍ في حلول الملامه

ماياسعه ليل الفرح بالتياسير
بنجلينه اللي بالتعاضد لزامه

ياسر رفيع الشان عبق الازاهير
وهذا دخيل الله سنده وحزامه

ليلة فرحهم ماحكتها الاساطير
تفرق عن الباقين فرق العلامه

وفقهم الله وفق مابعده يصير
شرٍ من عيونٍ قدحها صرامه
غزيل سعد_الملتاعة

أترك تعليق



التعليقات مغلقة.