صحيفة شعراء العرب الالكترونية

أقفى ذراي .. للشاعر سعد العيد

  • 0

” *أقفى ذراي* 
أبيات متواضعة كتبتها في والدي الغالي يرحمه الله الذي انتقل إلى رحمة الله في صباح يوم الخميس الموافق
٢٧ / ٨ / ١٤٤٠هـ ، أسأل المولى أن يجعل قبره روضة من رياض الجنة وأن يسكنه فسيح جناته ..

الهم اقبل في طوابير وحشود
اقبل في صبحٍ ماحسبنا حسابه
قبل رمضان الخير والصفح والفود
اقفى ذراي وزدت حزن وكآبه
قالوا رحل من وقفته تبري كبود
اللي مزيديني شموخ وصلابه
الطيب اللي طيبته علم مشهود
الصارم اللي كل ذيبٍ يهابه
ابو اليتامى اللي بذل كل مجهود
بذل إلين اضحوا بعز ومهابه
يبكيه من يعني له افراح وورود
اللي ان ظمى حول مزون وسحابه
ويبكيه من ينخاه بايامه السود
ويرد عنه الضيم لو ابتلى به
ويبكيه قلب استوطنه اربع عقود
وتبكيه عينٍ مارتوت من جنابه
يبه ياليت الصبح هذاك مايعود
وتبقى مابين كفوفنا والقرابه
لكن عزاي انك بالاعماق موجود
وان الله مايخيب رجا من لجى به
قبر يضمك جعله بنور ممدود
عساك تلقا فيه خير ورحابه
مرحوم ياصفوة هل العز والجود
ياراس مال اللي تعاظم مصابه
يالله عساك بجنة الخلد موعود
متجاورٍ مع الرسل والصحابه

الشاعر الإعلامي | سعد بن حمد العيد
@ksa999777999

أترك تعليق



التعليقات مغلقة.