صحيفة شعراء العرب الالكترونية

قصيدة (سمان الصيد )

  • 0

‏على مغريات الواقع الغامض الملموس
‏دخلت الحــــياه بمعـــنوية جبل طارق
‏اغازل خيوط الفجر في الطايف المانوس
‏وحلم الطفوله من ورى شــمسها شارق
‏احس البياض الطاهر الضاهر المحسوس
‏ترفرف طـــــفولتنا عــلى غصنه الوارق
‏رسمته على رمل اوديتها نخل وشموس
‏وغيمة حـجازيــــة على خــدها بــارق
‏خيالي خيالي كان قبل ادخل الكابوس
‏واوقف على الابواب واسئل من الطارق ؟
‏كبرنا واخذنا من دروس الــحياة دروس
‏واخذنا شهادة مستوى المستوى الفارق
‏اصبح على هاجوس وامسي على هاجوس
‏أحد قال لي هيا ، واحد قــال لي فارق
‏بداية حياتي ظل شجره نخرها السوس
‏وانا اركض بلـذتها على ظــلها الحارق
‏ليا اعطيتها وجهي عطت وجهها المعكوس
‏عجزت اختطف فرصة عمر من فم السارق
‏اعلق سمان الصيد بين اصبعين القوس
‏واصوب وحظي سهم من صيدتي مارق
‏ادور على اللي ما مشى مشية الطاؤوس
‏ومن عادته عن عادة المـــجتمع خارق
‏كثر شعر راسي صادقوني رجال فلوس
‏ودورتــــهم وانــا في بــحر العوز غارق
‏عسى الحاجه اللي حلقتهم بحد الموس
‏فدا راسي الاصلع وانا اخوك ياطارق

‏عيضة السفياني

أترك تعليق



التعليقات مغلقة.