صحيفة شعراء العرب الالكترونية

عطني وعد للقلب/للشاعره ساهرة الليل

  • 0


خلْني أعيش الحب وياك مرّه
و أهيم به وبعالمه لو ثواني
ودي أجرّب حلوه وكل مرّه
وأعيش أنا وياك كل الأماني
عطني وعد للقلب إنك تسرّه
وأعطيك عمري وشوق قلبي وحناني
قل أعشقك واهواك مليون مرّه
لا لا تكابر قلها لي يا أناني
بمشي معاك الدرب خيره وشرّه
مارجع ولو همِ بدربك طواني
ولو ذقت انا حسرات وعانيت حرّه
بذلّل لحبك صعيبٍ وعاني
لجلك بخلي الدمع عيني تدرّه
مانساك لو هو الموت ياخل جاني
ودي حبيبي قبل ترحل بنظره
متعه لعيوني وذكرى منك لزماني

أترك تعليق



التعليقات مغلقة.