صحيفة شعراء العرب الالكترونية

مقدر ومحشوم .. لـ سعد علي العريني

  • 0

‏دام الشعر عندك مقدر ومحشوم
‏جتك البيوت من الهواجيس جزله
‏نظمتها مخصوص يامحمد اليوم
‏وارسلت لك فيها المراسيل عجله
‏نظم الخرز بالسلك لاجاك منضوم
‏اللـي منـه موجـود بالكـون قـلــه
‏يوم اكتشفت انك تصوبت بسهوم
‏وصوابهـن عقب على القلب علـه
‏وخـلا عيونك تشتكـي قلـة النـوم
‏من بعـد مـا كـان السهـر مـا تملـه
‏عـزي لحالـك مانـت واللـه مليـوم
‏لو دمـع عينـك فـوق خـدك تهلـه
‏دربك عسر قبلك توهـن به اقـروم
‏ارداهـم اللـي معقـد الحبـل حلـه
‏واشجعهم اللي يناطح لحاله القوم
‏وسيفـه لأقـل من العشـر ما يسلـه
‏دربـن مشيتـه فيـه بطيـح وتقــوم
‏وتـلقــى حـلاوتـه بـمــراره و ذلــه
‏صبرك عليه ان طعتني مانت ملزوم
‏لأنـك بتلقـى بـأخـر الـدرب خلــه
‏خلك عزيز النفس لو عشت مسموم
‏لـو كـان قلبـك منشلـع مـن محلـه
‏واضرب فجوج الارض والرزق مقسوم
‏وأيـام عمـرك تمحـي الجـرح كلـه

‏سعد علي العريني

أترك تعليق



التعليقات مغلقة.