صحيفة شعراء العرب الالكترونية

مرثية لـ .. فهد البادي

  • 0

‏يبه تعال وخذ حياتي وانا اروح
‏بدالك وروحي حذاة ل مواطيك
‏واشعل لك الخافق ولايطفي الضوح
‏وبعمري كله يابعد عمري افديك
‏يبه أنا من دونك اليوم مجروح
‏في كل ساعه شفني ابكي وناديك
‏يبه عيوني خاوت الدمع والنوح
‏ماعاد احس ابدينتي شي يعنيك
‏يبه ضلوعي ميته مابها روح
‏عقبك اشوف الكون مابه شبابيك
‏يبه رحاة الوقت هدة لنا اصروح
‏ودارت علينا اليوم مثل المماليك
‏ياابوفهد دنيا العنا مابه افروح
‏كل الزوايا شفت فيها خطاويك
‏رحت وتركت القلب باالصدر مذبوح
‏من عقب ماني كل لحظه اداريك
‏ضمة حنانك يايبه ورده ايفوح
‏ويازين لحظات الرضا تحت اياديك
‏يبه أحبك قلته ب صوت مبحوح
‏أخاف لازعج حضرتك يوم أناجيك
‏أخضع لك الخفاق يامبعد الشوح
‏واقصر لك العين احترام ل مباديك
‏كل البشر عادي يبه كله اتروح
‏محد ورب الكون عندي يساويك
‏حتى القصايد مابها بيت مملوح
‏قبل امس مات أحساسها مع معاليك
‏علمتني يابوي والعلم بوضوح
‏وربيتني لين احتوتني معانيك
‏وفي غيبتك هالقلب ماهو بمسموح
‏اليا لقيت انسان عندي يوازيك
‏تركت جرحن في معاليقي ايلوح
‏وآهات صدري بين الأشواق تبكيك
‏الموت حق وكل نفسن لها لوح
‏واهلك يجي ياالأدمي يوم تنعيك
بعض الجروح تهون لاصرت مجروح
الا الابو فقده يضل عايشن فيك
‏يامنزل الكوثر وغافر مع نوح
‏ارجيك ثم ارجيك ياربي أرجيك
‏تجعل من الجنه هوا قبره ايفوح
‏وفي جنة الفردوس يرتاح مرضيك

أترك تعليق



التعليقات مغلقة.