صحيفة شعراء العرب الالكترونية

الشعر .. ( حصري ) للشاعر فواز الحرش

  • 0




يا مبتلين الشعر تكفون خلّوه
ماهو بحكيٍ كل واحد يقوله

الشعر ساس وعِرف وأنتم بليتوه
لا ساس يربطكم ولا تعرفو له

عز الله إني عايفه بعد قلتوه
لو كان لي في الشعر صوله وجوله

الشعر ما عوّضكم اللّي فقتدوه
ولاهو بشرطٍ من صفات الرجوله

به رجل لا عدّو الرياجيل عدّوه
وعنده تعاقيد الأمور محلوله

ولا عيّبه لا من ترك ما نهجتوه!
لاهو بلا شاعر ولا الشعر حوله

وبه شاعرٍ يكتب جزل ما كتبتوه
ورجله عن دروب الرجال معقوله

ما سرّ من جاء له ولا سرّ من جوه
ولا يملك بسوق المراجل عموله

مصخّر بيوته على مدح معتوه
هبيلةٍ ،، تكحل عيون مهبوله

هذا هو الواقع تراكم جهلتوه
فيقوا وردّو كل شي لـ أصوله

وألاّ عساكم فدوة اللّي ظلمتوه
اللّي جمعها شعر جزل ورجوله



فواز فراحان الحرش الحارثي
١٨ / ١١ / ١٤٤٠ هـ

أترك تعليق



التعليقات مغلقة.