صحيفة شعراء العرب الالكترونية

الصبر والياس .. لـ لافي السرحاني

  • 0

بيـن الصبـر والياس احلام وآمال
مـن رادهـا ربّي عليهـا يعـينـه

مسافة ٍ لو هي على بضعة اميال
رهـينـة اللي مرتهـن في رهينـه

وبين البخل والجود اقوال وافعال
وكم كيس ٍ أطرم ينجدع لـ السمينـه

والباتع اللي عاش مع زمرة انذال
لـو تكرمـه كل يـوم كنّك تهـينـه

للحـر قـدر .. وبيـن الأحـرار منزال
لاتجمعه بـ البـوم وترجـي الثمينـه

وبين الصراحة وجرحك الناس مثقال
ذرات أكبـر مـن حمـول السفينـه

وزو ل ٍ تعرفـه بيـن آلاف الازوال
لو حال طـول الوقت بينك وبينـه

ملهم قصيد وكل ماجيت الأطلال
تنزف جروح الشعـر زينـه وشينه

ومن ذاق بالدنيـا مآسي وغربال
مايشبـه اللي في كنـف والدينه

عاش الترف مابيـن تقدير واجلال
وهذاك عاش الذل غـارق بـ دينه

يالله لطفك يـوم تنهال الأهـوال
لاصار ماينفـع خـدين ٍ خدينـه

يـوم ٍ يصف الخلـق جمـوع وارتال
وكـل ٍ حصاده مـن فعايل يمينـه

ابو لهب في أسفَـل الدرك ، وبلال
حسب حديث المصطفى تدرون وينه

لافي السرحاني

أترك تعليق



التعليقات مغلقة.