صحيفة شعراء العرب الالكترونية

القلب اللعوب … لـ بندر الهذال

  • 0

~ القلب اللعلوب ~
.
السفر احيان ما يعني سفر
السفر احيان في عيني هروب
عن كثير اشياء اصنع لي مفر
والعمر رحلة محطات ودروب

قلبي المجروح مبطي منكسر
وصعب جبر قلوب عن بعض القلوب
حتى صمتي من معاناتي جهر
واعترف للناس عن شي محجوب !

الغريبه كيف في بعدي صبر
منهو اللي صار عن حبي ينوب
ما أحب اعيش لـ إحساس البشر
ولا أحب اعيش بإحساسٍ كذوب

ليه اعيش العمر في هم وكدر
وليه ابادل ضحكتي وجهٍ شحوب
من عطاني ود له طيب وقدر
في حنايا الصدر غالي ومْحبوب

من عطاني صد.. يازين الصبر !
لا يجي بعد الجفا وده يتوب
المشاعر ماهي للعالم نهر
المشاعر صدق يالقلب اللعوب

راحت ايام التعاسه والقهر
وابتدا فجري بعد هم الغروب
اغفي ياعيني عقب تعب السهر
الغلا غيم وتقفاه الهبوب

دامه اقفى عنك له حروة شهر
فالشهر ماهو على عمري محسوب
.
الشاعر
بندر الهذال

أترك تعليق



التعليقات مغلقة.