صحيفة شعراء العرب الالكترونية

بنت الخليج .. لـ محمد العجلان

  • 0

الشعر له حنّه ورنّه وميقاف
وبحور وصفه بالمعاني غزيره
أحدن يغرّد به على راس ما ناف
وأحدن شعوره لين غنى شعيره
بعض القصايد كلها اسفاف ف اسفاف
وبعض القصايد بالمشاعر جديره
ما ذعذع النسري وما سطّر القاف
سلام ياغادات شبه الجزيره
ياساحراتن بالغنج والتلطّاف
ياغافياتن ف العيون السهيره
يامشعلاتن ف القلوب التعطًاف
يامترفاتن بين أهلن وجيره
بنت الخليج اللي لها القلب ميلاف
بنتن حصينه والمفاتن ستيره
عذرن تصون العرض مغناج معطاف
ماهيب عذرن للرغايب مثيره
ما فرّعت تختال في ثوب شفاف
سلم المبادي والقيم والعشيره
مكنونتن مثل الذي بين الاصداف
مزروعتن في روض ينعش عبيره
الزين فيها زايدن زود باسراف
ما كنها إلا شمس حسنن منيره
غادة شرف غادة ترف غادة أعراف
أنعم من الديباج وايضا حريره
هذي مشاعر شاعرن مابه اجحاف
ما هام في راما وحن لشهيره
وان زاد به من وجد وجده تلهّاف
هواه في حصه ونوف ومنيره
وان كان قيفانه تهادن لك خفاف
يكفيك من موج المشاعر هديره

محمد العجلان

أترك تعليق



التعليقات مغلقة.