صحيفة شعراء العرب الالكترونية

الوفا للشاعر : مهدي العطوي

  • 0

ورجلٍ إذا إنّك نخيته لفاك

ورجلٍ إذا إنّك نصيته هفى

 

يخونك رفيقٍ تعشى معاك

ويفزع لصوتك غريبٍ لفى

 

وكم واحدٍ تحسب إنّه ضياك

وعند الشدايد سراجه طفى

 

وكم واحدٍ للمصالح يباك

وعقب المصالح يعود الجفى

 

وكمْ وجه يضحك ويظهر غلاك

ينافق وقلبه ترى ما صفى

 

يسولف بظهرك ويطعن قفاك

ويرمي سهامه بغدر و خفى

 

وناسٍ تودّك وتدمح خطاك

وناسٍ تدور عليك الأفا

 

وكم من غريبٍ تعدّه أخاك 

وكم من قريبٍ عطاك القفى

 

وعمر البحر ما روى لك ضماك

وعمر الشتا ما عطاك الدفى

 

فلا تنتظر من لئيمٍ رضاك

ولا تحتري من رديٍ وفا

 

مهدي عيد العطوي

أترك تعليق



التعليقات مغلقة.