صحيفة شعراء العرب الالكترونية

عيون الشوق … لـ نادر هذيل

  • 0

‏ذكرتك ياحنين الامس والذكرى لها طاري
‏تعيش بداخل العاشق شهور وتاخذ اسنيني

‏يسايرها شجن قلبن عليها يعزف اوتاري
‏يدوزنها على همه مواويلن تغنيني

‏ضناه الشوق في بعدن عليه مقدر وجاري
‏وبعدك لاحصل يازين يتعبني ويشقيني

‏جبينك طلته نجمه عليها يسري الساري
‏وثغرك مبسمه عذبن قراحه حيل يرويني

‏رسمتك في عيون الشوق ملاك يسعد انظاري
‏وزرعتك مع عروق القلب عشيرن مايخليني

‏نحت اسمك على صدري وشوقي ليل سماري
‏مع الاشفاق ياخلي ترى حسنك معنيني

‏هويتك والامل موجود عساها اجمل اقداري
‏وطيفك بالليال السود على دربك يوديني

‏اناظر فالقمر واقول ياليت الوظع قماري
‏واناظر فالبحر واقول على مافيه دليني

‏اصوغك فالقصيدالعذب جملني مع اشعاري
‏وعديل الروح سميتك حبيبي وش تسميني؟؟

‏النادر

أترك تعليق



التعليقات مغلقة.