صحيفة شعراء العرب الالكترونية

الحبيب الأولي … لـ الريم

  • 0


‏وش اللي جابني فجأة على بالك ؟
‏وش اللي جد فيك و بدّل أحوالك؟

‏أنا أصلاً نسيتك و الليالي شهود
‏ولا بيني و بينك شيّ يشفع لك

‏عن الماضي رجاءً لا تكلمني
‏و لا تظلم بها نفسك و تظلمني

‏أبي تنسى مثل مانا نسيت و زود
‏رجوعي لك صعب يا ليت تفهمني

‏و إذا ودك لأسبابي أنا توضيح
‏تفضل و اعتبرها لك ترى تصريح

‏و أبيك تحط في بالك أمر محدود
‏أنا ما قلتها لجل انتظر تصحيح

‏يقولون الحبيب الأولي حُبه
‏صعب نسيانه و للقلب هو طبه

‏و قلبك من عرفته بالوفا موعود
‏ولا لي فيه أي احساس لو كذبه !!

‏ الريم

أترك تعليق



التعليقات مغلقة.