صحيفة شعراء العرب الالكترونية

لوحة الجرح .. لـ سند الرويتعي

  • 0


‏ذكرياتي في فضا الحزن البعيد
‏كنت اخبيها عن الناس ودرت

‏من بعد ماطاحت الدمعة قصيد
‏وزعت حزني على الناس وقرت

‏وخطت الابيات من دم الوريد
‏ماسلت حزني ولا جرحي برت

‏وابتدت حرب المشاعر من جديد
‏يوم طاوعت المدامع واظهرت

‏ذكريات الحب والماضي التليد
‏كانت بعيني كبيره واصغرت

‏بان بعيوني من الحرقه وقيد
‏يوم جاف النوم عيني واسهرت

‏فارق عيوني وله جرحن يزيد
‏ذكرياته كل مايطري طرت

‏خابره من قبل لاحبه وحيد
‏ويوم فارق كامل اشباهه جرت

‏ليت مالي بالهوى بنك ورصيد
‏وليت رجلي يوم قامت ماسرت

‏وليتني ماكنت في حبه عنيد
‏وليت كفي يوم باعت ماشرت

‏وليتها كانت علاقه من بعيد
‏وليت عيني للمشاعر ما انظرت

‏ماجنيت من الهوى غير النقيد
‏والعيون اللي على الدمعة ضرت

‏وشاعرن يرسم مشاعر من جليد
‏لوحته خاضت معارك واخسرت

‏داخل اللوحة مشاعر ماتفيد
‏والنهر دمعات ف السطر اعبرت

‏اه ياجرحي عسى عمرك مديد
‏حرمت احزاني تمادت واظهرت

‏ياعساه في مقبل أيامه سعيد
‏كثر ماروحي على الجرح اصبرت

‏كنت اخبي ضيقة القلب العتيد
‏في محيط اوراق مايوم انقرت

‏وانتهت ذكرياي في بوح القصيد
‏يوم كل الناس عن جرحي درت

‏سند الرويتعي

أترك تعليق



التعليقات مغلقة.