صحيفة شعراء العرب الالكترونية

ودي اذوق الفرح

  • 0

ودي اذوق الفرح

يااحزاني بالله ودّي اهتني ساعه..
ودّي اذوق الفرح في ( عيد ميلادي)..

الهم خلا الحشا للضيق شمّاعه..
والروح خرساء ماتوحيها لو تنادي..

وسط الفرح و الخفوق اكتض باوجاعه..
الناس في وادي و آنا بروحي بـ وادي..

وجهي الوجع هدّه وكثر الالم لاعه..
وعيني لهلّ المدامع حدّها حادي..

ليت السعد والهناء في وقتنا بضاعه..
اشريه بالروح لو المال مافادي..

او ليت الافراح عضوً يزرع زراعه..
ان قلّة الحيله الجأ لحاكم بلادي..

عزي لقلبً جريحاً والزمن راعه..
عايش ولكن مايدري وين هو غادي..

انا رضعت الحزن و همومي رضاعه..
لين اصبح الضيق شربي والحزن زادي..

لا لا تجيبون فيني يا هلي الطاعه..
ماني بحاجة طبيب و شيخ يا اجوادي..

دكتور ماني بـ حاجة كشف و اشاعه..
احتاج لحظة فرح في ( عيد ميلادي)..

ملعون ملعون يا الشيطان و اتباعه..
لبست حزني بـ سببهم وابتدأ حدادي..

ابث بوحي على الجمهور بـ إذاعه..
والكل صفّق و صفّق حيل و اشادي..

مداهيل

أترك تعليق



التعليقات مغلقة.