صحيفة شعراء العرب الالكترونية

يامن يبشرني .. لفارس الصحراء

  • 0

ْ
نشدت وابغى من يرد التناشيد
مع ربعي اللي يلزمون الوصايه

يا من يبشرني عن الشيخ ابو عيد
يقلون عنه امرقدٍ فالعنايه

علمٍ صداها منكد الروح تنكيد
ومنكدٍ حتى الجماعة ورايه

الله يجيره من صدوف التناكيد
ويجعل له الله من لدنه حمايه

شفاه عيد وشوفته عندنا عيد
وزيارته غايه وطاريه غايه

شيخٍ شهر بأسمه على نايف الحيد
حتى ركز في هذيل أهل نجد رايه

راع الكرامة والدلال البغاديد
وراع الجناب الدمث ماهو دعايه

في مجلسٍ يجمع شيوخ وصناديد
وزين القصايد والحكم والروايه

ياما اعتلى من نازحٍ تقطع البيد
*من العراق الين هضبة عمايه

ويا ما تعلّوق طيبات البواريد
اليا نتخوه اللي يبون الرمايه

وانكان شاف الصيد يرهي على الصيد
بمشوكٍ مايدري منين جايه

من شبحةٍ طق اخبنتها عباريد
تبرق في مثناته سوات المرايه

ردوا سلامي له معزه وتوكيد
وازكى تحياتي وخالص دعايه

*فارس الصحراء*
*صالح المطرفي الهذلي*

أترك تعليق



التعليقات مغلقة.