صحيفة شعراء العرب الالكترونية

دنيـتــي قســــوه

  • 0

دنيـتــي قســــوه

تعبت ودنيتي قسوه وما ترحم دموع العين
تكفا يالغلا إرحم وحس وكفكف ادموعي

هقيت انك تواسيني وتشفي جرح بي وتعين
اثاري جيت تذبحني وتطفي باقي اشموعي

غرامك نار تطويني وما أدري غرامك وين
حرام الصد والقسوة كفاية ناحت اجفوني

برغم البعد يا خلي تلاقيني معك للحين
وصدري صابرن لانه يحبك ذل وخضوعي

أداري دمعتي وارسل صدى صوتي جراح البين
وفي دربك تخيرت الشقا يا خلي بطوعي

أبيك اتكون لي شمسي دفاها يختلي بضلعين
أبيك المسكن وأبغي لقاك يصد لي جوعي

يزيد الحزن واترجى عساك اتحس بي وتلين
وترجع مثل ما كنا غصون ومسكها فروعي

كفاية بس يا ظالم عذابي حرمه هالدين
ترفق بالوله فيني وشوف الشوق بولوعي

تعبت ودنيتي قسوه وما ترحم دموع العين
كفاية يالغلا إرحم وحس وكفكف ادموعي

ولهة الشوق
شيخه المقبالي

أترك تعليق



التعليقات مغلقة.