صحيفة شعراء العرب الالكترونية

انا ورثت الطيب من راس شايب

  • 0

انـا ورثت الطيـب من راس شـايب
وكل ٍ ورث من شـايبه فعل يمنـاه

أبـوي ذاخـرته لـوقـت الصعـايب
لاضامـني وقـتـي ونـاديته القـاه

يـابعـد راسـي والأهـل والقـرايب
أسمك بعد اسمي فخر كل ما اقرأه

ومن طيب فالك فالي اليوم طايب
كـلٍ يقـول ونعـم والمـدح يـزهـاه

ابـوك شيـخ مطيـر وقـت النشايب
يـامـا زبنـه الخـايف ولاذ بحمـاه

يجيلـه اللـي مـن معـاديه هـايب
ويأمن تحت هيبة وقاره من عـداه

#نوره_المطيري.

أترك تعليق



التعليقات مغلقة.