صحيفة شعراء العرب الالكترونية

طال الصبر

  • 0

طال الصبر ولا الصّبر مابعد طال
مواعدين ان تاليتها تساهيل
يا صاحبي لاشفتني سارح البال
أزهم علي قدام ادم المعاميل

انا ضحية حظً إلا اعتدل مال
أسايسه بشويش ويعوّد يميل
ضروفنا تسعى للتحطيم الامال
وعزومنا ترقى على الجدي وسهيل

لو ضاقت الدنيا من الجال للجال
تشوفنا مثل النخيل المضاليل
في عزنا يلقون الاجواد مدهال
من لاهب الكنه ونفد المحاصيل

لا شريّت وجيه الرياجيل بالمال
وجيهنا تكرم عن القال والقيل
وجيهنا عند الرفاقه على حال
ماهي بحسب الصبح والعصر والليل

وقفاتنا عز وتواريخ وأمثال
وتاريخنا صرح ومهابه وتبجيل
ألا ) لقوا منا الرياجيل رجال
كن الرجال ملاقيين الرياجيل

#نواف ابن عبدالعزيز

أترك تعليق



التعليقات مغلقة.