صحيفة شعراء العرب الالكترونية

لاتواخذني لشاعر مجري السبيعي

  • 0

ويش اسوي فيك ياالحض الملدد
لك سنه ماجبتلي عين الفريدي

والله ان لي مده اجامل وصدد
والمجامل والتصدد مايفيدي

ماذبحني كود لاقمت اتودد
وانت قلبك يابعد روحي عنيدي

كل يوم امر بيتك وتردد
شوفتك يانور عيني يوم عيدي

الغلايازين له طرقن تعدد
ليت مافات امس من عمري يعيدي

لانظرتك عندي الشوق يتجدد
كل شي يصير في عيني جديدي

اشهدٍ الحال من حبك مهدد
ويش بقالي من حياتي في رصيدي

وشهدٍ قلبي علا حبك تشدد
علني لامت من حبك شهيدي

ويش اسوي في الحلام اللي تبدد
امتني والله يفعل مايريدي

لاتواخذني ونا وقتي محدد
لك غلا في القلب يجري مع وريدي

لك وصوف ولك مزايا ماتعدد
ليه يوم اقول لك ياسيد سيدي

دايم لساني بذكر اسمك يردد
وتخيل صورتك وانته بعيدي

لي عليكم دين ياالمجمول سدد
غير سهر العين والونه قصيدي

واهني منهو على صدرك تمدد
ماخذك في سنة الشرع الرشيدي

الشاعر/ مجري مسند السبيعي

أترك تعليق



التعليقات مغلقة.