صحيفة شعراء العرب الالكترونية

إهداء للأستاذ سعود المسعودي .. بمناسبة المولود

  • 0

أبت المشاعر الاخوية الصادقة إلا ان تترجم المعزة والتقدير للاستاذ القدير

سعود بن محمد بن رديد المسعودي الهذلي

وقد اشتركت مشاعر نخبة من الشعراء المميزين في ترجمة احاسيس الفرحة تجاه فرحة صديقهم الوفي

ولو تترك المجال لتسابق محبيه بالاشتراك ولشابت القوافي ولكن كانت باقة المشاعر سلة متكاملة من عبق الحروف

.

.

باسم ا لاله اللي خلقنا ،، ربنا الفرد الصمد
ابرك ذكر نبدا به ومن بعده الهاجس يجود

.

ويهل همّاله فرح ،، يوم الخبر ،، برق ورعد
لين السعادة في قلوب اهل الصفا تبدا تسود

.

جات البشاير مع قدوم الشبل من ذاك الاسد
ابن المراجل ، والمكارم ، والوفا نسل الاسود

.

ماهي بشاير خالد الزعّاق وامطار البلد !
الا بداية (جيل كابر) وانتهاظات ،، وصعود

.

بشاير الخيرات ،، هذا الليل جتنا وش بعد
الحمد للرب الكريم المعطي الحي الودود

.

يامرحبا ترحيب يملى الكون وأيامه سعد
ياضيف ياللي جيّتك عيد وسعاده بالوجود

.

يالله على اسمه ينطبق ويصير بالدنيا سند
بعد الولي ، والوالدين وعزوة الفخر لسعود

.

سند سند ولد سعود ونعم ،، فيه ،، وفالولد
اسمٍ على عزّ وشرف والطيب ورث من الجدود

.

سند سعود بن محمد ،، لن مشى والاّ قعد
شبلٍ ليا شاء الله على اقرانه يبا يظهر بزود

.

ابوه .. للعليا صعد ،، والجد .. للعليا صعد
والكل منهم في سجلات المفاخر له وجود

.

يالله تحفظه من عيون اهل البلاوي والحسد
ويعيش في دنياه قرم وكفو والمرقى سنود

.

ربعه بني مسعود .. ساس العز مجلين العقد
عز الخوي ،، والحق دايم عن شعاراته تذود

.

والخال من لحيان .. واللحياني دايم مستعد
اليا تناخوا ربعه .. الهذلان يقدم .. مايعود

.

الأصل والساس  هذلي والفخر باقي للأبد
قومٍ لنا بين الخلايق صيت وفعولٍ وجود

.

يحق له يفخر مدام المجد .. له معنا وعد
والشاهد الله يوم اعد الصدق والعالم شهود

.

وختامها صلوا على المختار من ربي / عدد
ماهلّت الامطار ،، وارتويت من الخير العدود

بقلم كل من الشعراء/

وليد بن فهيد الحكمي

حمود بن عبيد الله المطرفي

مشاري سعود المعطاني 

سعد محمد المسعودي

أترك تعليق



التعليقات مغلقة.