صحيفة شعراء العرب الالكترونية

جروحه معه .. كلمات : فايز بن مبارك البخيّت

  • 0

غـيم ، ومـطَر ، ومهيّـله ، وأخذ الجديد

وأحفظ قصيدي يا صديقي وإجمعه

محبّـتك في الله تجري في الوريد

ماهي لأجل دنيا .. ولا هي مطمَعه

يا صاحبي يا اللي تفيد وتستفيد

بآفيدك بشوري .. وشورك باسمعه

لا ترافق منافق ، ولا تعاند عنيد

ريّح مزاجك عن زحام المعمعه

واللي يشوف الناس : عسوٍ من جريد

قِل له ترا بتشوفك الناس : شْـمَعَه

فْـ لا يحسب إنّ العبقري مثل البليد

ولا يحسب المِحْراب مثل الصومعه

والمرجلة .. ماهيب في نظم القصيد

يحظى بها النشمي .. ويخطيها خـمَعَه

والشِعر .. لا من صار له معنىً بعيد

يرضي غرور الذوق وآحب أسمعه

والرزق عند الله ، وحنّا له عبيد

يخضع له المؤمن .. ويرخِص مدمعه

يقولها اللي .. لا يزيد ولا يعيد

رجلٍ طليق حجاج .. وجروحه مَعَه

 

#فايز_مبارك

أترك تعليق



التعليقات مغلقة.